Apni Judaai

Another old one and yet another "twist"!


Tum bin mera jeevan hai, woh sukhaa hua khet
Jis mein baarish na ho, bas rehti ho reth
Ab to bas karna hai, mujhko tumhara wait,
Chaahe tum na aao, ya phir, chalo on a date!

Aake chle gaye, hawa ke kayi jhonke
Phir bhi, milne ko tumse, mile na mujhko mauke
Ab to bas dikhti ho tum, sapne main mujhko soke
Kyunki yeh gile-shikwe, tumse milne se mujhe roke

Ghamo ka pahaar tuta, jo hui apni judaai
Sapne saare saagar main dube, jo lee tune vidaai
Ab to himmat na juta sakoon main, dene ko kisi ko badhaai
Kyunki jahan bhi jaaoon, mujhko bas teri hi yaad sataayi

Tere bin nahi hai, ab to mera koi sansaar
Kyunki mere jeevan ka, tum ban gaye ho adhaar
Chahe isko ishq kaho ya kaho ise pyar
Par tum jeena, na-jeena, hain bas yehi mere vichaar

Tum bin nahi hai, mujh mein kisi ko harane ka dum
Kyunki zindagi main khushi nahi bas gham hi hai hardam
Kisi par aitbaar nahi, yeh meri zindagi ki hai sargam
Mann bechain hota rahe, kyunki yeh dil hai nam

Jab dekha tha tumko, aur mile the apne nain
Tabse luti hai meri, raat ki neend aur din ka chain
Ab bhi yaad hai mujhko tumhare haathon ka coke ka can
Ab to aa jao waapas, warna ban na padega mujhko "Hollow Man!"