Yeh Chahat

Tumhari adaoon ko kya dekha, hua yeh dil deewana hai
Tumhari nigaahon ko kya parkha, hua yeh dil afsana hai
Tumhari saanson se hi to yeh zamaana mehka hai
Tumhare khwaabon se hi to tanha yeh jag ab rehta hai.

Kis kadar tumse humein hai chahat, iska humein ehsaas nahi
Kis kadar tumse milti hai raahat, kyun iska tumhein aabhaas nahi
Nazar utha kar jo tum dekh lo, khushiyan milein humein baar baar
Iska tumhein kaise karayein aetbaar, itni si humein aahat nahi.

Saanson mein tum rehte ho, rooh main ho samaaye
Zindagi main tum sama jaana, phir chahe maut bhi aa jaaye
Tanhayee ke is safar main, meri tum har tamanna ho
Is dil main kisi ki jagah nahi, jo khushiyon ko tum ho bhaaye

E khuda....kya yeh chahat tujhko maqbool hai?
Agar nahi, to kya meri maut tujhko kabool hai?
Is sansaar main uske bina main jee na sakoonga
Ghamon se kya...khushiyon se bhi main tadap uthoonga...