Wafa

Ghamon main bichchi thi meri zindagi ki kahaani
Phir aaye tum, sunane isse chahat ki zubaani
Ishq hua humein...ban gayi tu diwani
Aisa vaada kiya humne, ki maut bhi saath hai nibhaani

Par jab aaknhon par se dhund ke badal chate
Kuch hi palon main meri zindagi se tum hate
Phir to rab hi jaane, kaise hain yeh din kate
Gham din main, tanhayee raat main bate

Andheron main doobi hai meri yeh duniya
Jabse tumne looti hain, meri sab khushiyan
Ab to angaaron main chal kar main yun jeeta hoon
Duniya bhar ke aansoon, ghut ghut kar peeta hoon

Kya mujhe hai pyar, abhi tak iska ehsaas nahi
Par tum bin jee na sakoonga, iska hai aabhaas sahi
Ab to kuch aise gham-e-rooh ban gaye ho tum mere
Ki dekhoon na tumhein to, din main bhi ho jaate hai andhere

Haan meri saanson main ab bhi bas tumhari mehak hai
Sunta hoon jahaan, dekhta hoon jahaan...bas tumhari chahek hai
Sabab hai tumhara, ki maut bhi mujhse hai khafa
Aur isliye maangta hoon tumse mannat, bas de do mujhe apni wafa.