Woh Pehli Nazar

My first hindi poem!! I simply love this poem!! And I can never tell enough about how much it means to me...


Woh pehli nazar,
Kar gayi asar,
Phir dil ne kaha, yeh soch kar,
Ki tum hi to ho meri jaane-jigar / humsafar.

Tumko dekha hua mujhko yeh aabhas,
Maano pyar ka thaa woh pehla ehsaas.
Bas tumhara laga sabse alag andaaz,
Isliye tumhari khatir rachoonga main ek naya itihaas.

Kahaan hai dil ka karaar, yeh mujhko nahi pata,
Kya hai yehi pyar, yeh mujhko tu bata.
Ab hai tera intezaar, mujhko to sada,
Kyunki ho gaya hai, yeh dil fida.

Ab mera yeh dil, to hai bekaraar,
Ki kare tu bhi ab to ikraar,
Aur kahe ki hai, tujhko bhi woh pyaar,
Jiske liye hai tadpa, yeh dil baar-baar.

Ab to main kahoon, bas keh hi doon,
Kyunki tere bin, ab main na jee sakoon.
Tere pyar main basi hai, meri har-ek saans,
Haan, itna ho gaya hai, mujhko tujh par vishwaas.