Aakhiri Umang

A lovely poem! Its the one I wrote when I couldn't confess my crush on this girl I liked so much!!


Dil ki baat zubaan par laa naa sakaa,
Main tujhko apna banaa naa sakaa.
Ab iska to dukh rahega mujhko sadaa,
Kya karoon, na bhool paaye, yeh dil, teri woh ada...

Ab tujhko to paana hai, mujhko har haal main,
Chahe pahaar uthaana pade, saagar ke bahaav main.
Meri zindagi ka panna tujh hi se, shuru-khatam hota hai,
Kyunki tere khwabon main, yeh dil, din-raat khota hai.

Tera naam sunoo to, sukoon mujhko milta hai,
Aur agar kuch galat sunoo to, gusse se bhi sar hilta hai.
Ab hai mera lakhsya, tumko haasil karna,
Tumhare saath jeena ya phir, tumhare bagair marna.

Apni khushiyaan bhi tumko main baat doonga,
Tumse jo ladega, usse badla main loonga.
Tumhara hukm hoga, mere sar aankhon par,
Ek baar to hoke dekho, tum mujh par nirbhar...

Tumhe leke sanjoye hain, maine jo kuch pal,
Unhi ki khatir to, ho raha hoon safal.
Laayega nayi umange, aayega jo naya kal,
Tab tak aas lagaoon main teri, bina khaana ya jal.

Tumhari khaatir kar doon main, zameen-aasmaan ko ek,
Din-raat ek karke, tod laaoon sitare anek.
Sabse pehle pahuncha doon, tumhari Birthday ka Cake,
Ab to ban jaao meri, For Goodness Sake!