Qabool

Teri chahat ko samarpit meri yeh zindagi hai
Teri har aahat ko sunna, meri tishnagi hai
Teri muskurahaton ko dekhna, meri khush-naseebi hai
Teri yaadon ko sametna, haan yeh bhi meri bekhudi hai

Zindagi yeh aasaan nahi, tujh bin e humsafar
Deewangi ka nasha chaya hai, mujh par kuch is kadar
Mannat hai yeh meri, saath rahein hum zindagi bhar
Yaadon mein, khwabon mein tere, beet jaati hai sehar

Ek saaya sa hai mujh par, jo rakhta hai duur humko
Tumse is pyar ka zikr na kar paoon, pata hai yeh sabko
Isliye subah shaam yaad karta rehta hoon main us rab ko
Ki ab to tu hi bata de, mere humdam, mere shab ko

Is pyar ke ehsaas ka hai duniya main koi mool nahi
Yeh pyar hai meri saadgi, yeh koi shool nahi
Isse paana hai meri kashish, yeh koi maqbool nahi
Issi ki khatir mar jaoonga, phir chahe usse yeh qabool nahi