Tum

Jeene ki aas ho tum,
Is dil ki pyaas ho tum.
Meri har saans ho tum,
Mera vishwaas ho tum.

Tum se hai dil ka karaar,
Tum hi ho is dil ka pyaar.
Tumse milna hai aisa tyohaar,
Jo ki main chahoon, aaye baar baar.

Un sooni galiyon mein main jab chaloon,
Bas tum hi ko main har pal yaad karoon.
Tumse milna hai ab mera ek junoon,
Jis bin na aaye ab mujhko ek pal sukoon.

Tum bin jeena hai woh jeena,
Jaise jal bin hai yeh paseena.
Dardon se hai bhara yeh seena,
Aur unko hai ab har pal mujhe peena.

Tumhari chahaton ke saagar mein main doob jaaoon,
Tum mujhe dastak do aur main paas aaoon.
Andhere raaston se bhi tumhein dhoond laaoon,
Phir kyun main tumhein khudse itna door paaoon?...